أكثر مكان نستخدم فيه هذا الأسلوب هو المجلس وصالة استقبال الفيلا. هذه الأماكن لها قيمة مختلفة لأنها مخصصة لاستقبال الضيوف، لذلك الستارة غالباً تنختار مع نفس مستوى الاهتمام بالكنب والسجاد وتفاصيل الجدران. الكسرات الواضحة والقماش الممتلئ ممكن تغير شكل الجدار كامل وتعطي الصالة طابع رسمي من أول ما تدخلها. الفكرة مو أن نحط تفاصيل كثيرة، الفكرة أن يكون وزن الستارة وشكلها مناسب لحجم ومكانة الغرفة.
إذا كنت تجهز مجلس بشكل خاص، شوف صفحة ستائر المجالس عندنا. هناك نختار الستارة مع الجلسة والسجاد وحجم المجلس وألوان المكان بحيث تكون كل التفاصيل متناسقة مع بعض.
ومن ناحية الأقمشة، المخمل والأقمشة المنسوجة الثقيلة والخامات الغنية بالملمس تناسب هذا النوع أكثر من القماش الخفيف جداً. درجات البيج الغامق والبني والعنابي والزيتوني والذهبي والكريمي تدخل بشكل طبيعي مع كثير من المجالس الكلاسيك. وممكن نستخدم نقش إذا كان يناسب الأثاث، لكن مو شرط. أحياناً قماش سادة ثقيل مع كسرات مرتبة يعطي نتيجة أفخم من نقش مزدحم.
في الستائر الكلاسيك نفضل نشوف القماش داخل نفس المكان. المختص يزورك ومعه عينات عشان تقارن اللون والملمس مع الكنب والأرضية والإضاءة الموجودة قبل ما تعتمد الاختيار.
القياس مجاني، وبعد المعاينة نعطيك عرض سعر مجاني وواضح.
