ستائر بلاك اوت تعتبر خيار مهم للمكاتب اللي تحتاج تحكم أقوى في الضوء. نستخدمها كثير في قاعات الاجتماعات، غرف الإدارة، غرف العروض والمساحات اللي تحتاج خصوصية أعلى. في المكتب الموضوع مو مجرد تعتيم. البلاك اوت يساعد على تقليل انعكاس الشمس على الشاشات، يخلي شاشة العرض أوضح داخل غرفة الاجتماعات ويعطي خصوصية وقت الاجتماعات الداخلية. وفي بعض المواقع ما يكون المطلوب حجب الضوء طوال اليوم، لذلك نحدد النوع وطريقة التركيب حسب اتجاه الشمس واستخدام الغرفة.
بالنسبة للشكل، أغلب الشركات تفضل شيء بسيط ومرتب. الألوان الهادئة مثل الرمادي والبيج والأبيض تناسب أغلب المكاتب وما تتعارض مع هوية الشركة أو الأثاث. ستائر بسيطة بخطوط نظيفة تعطي المكتب شكل مهني وتكون أسهل في التنظيف والصيانة. وفي المشاريع التجارية نهتم أيضاً بجودة القماش والمجرى لأن الستارة تستخدم بشكل متكرر، وأحياناً يكون عندنا عدد كبير من الشبابيك داخل نفس المشروع. الحل البسيط والمتين غالباً يكون أفضل للمكتب من التصميم اللي يحتاج عناية مستمرة.
في مشاريع الشركات نبدأ بمعاينة الموقع. نأخذ المقاسات ونشوف اتجاه الشمس ونحدد استخدام كل مساحة. غرفة الاجتماعات ممكن تحتاج خصوصية أكبر، بينما مساحة العمل المفتوحة تحتاج تخفيف الوهج مع بقاء الإضاءة مريحة. بعد المعاينة نجهز عرض سعر رسمي مناسب لصاحب الشركة أو إدارة المرافق أو قسم المشتريات، ويكون واضح من ناحية الكميات والتنفيذ.
القياس مجاني، ونقدم عرض سعر مجاني ورسمي حسب احتياج المشروع.
